La Biblioutècco dâ patouà ërqeullho dëcò dë documënt pâ publià, quë pon vënî dë foro ou èse l’efét dâ travalh quë l’Eicolo è deivëloupà për soun conty sû lâ lënga dë minouranso e la culturo materialo.

Lû doucumënt pon èse eicrit sû papie ou digitâl: un lei trobbo dëcò dë documënt aoudio (d’ërgistrasioun dë re-unioun, d’ëstoria etc.), dë video (film), d’imajja, dë travalh d’ërchèrcho ënt î paî e bién d’aoutre.

Dî documënt eicrît, lî pi ëntërësant l’ê lh’At dî Coungrés sû lâ lënga dë minouranso quë soun îtà ourganizà tû lh’ann, dòou lou 2007, për lâ Journâ dë l’Eicolo Latino.

Dî documënt video ën l’arquivi, noû pou counsëlhâ lâ secansa sû dî travalh tradisiounâl dî paizan ën lâ valadda dâ Cluzoun e dë la Germanasco, faita da l’Ëstitut Wesen dâ 2001, dë dount la s’ê peui tirà tréi documëntâri (“Cultivâ lou granét”, “Cultivâ lâ vîs” e “Cultivâ la sèel”), réalizà ënt â caddre dî prougét finasià da la Legge 482/99 për la proutesioun dë lâ minouransa lënguisticca stouricca. Ënsëmp a lâ secansa video, la lei à co laz ëntërvista a calcun dë l’abitant dë lâ mountannha, qu’an laisà lour përsiouzo tëstëmuonianso.