"Lî véllhi travalh"
Lî travalh dâ bëstiam
Lâ vaccha e lâ féa l’èro soc fëzìo vioure lâ famillha dî paizan: lâ dounavën lou laìt, doua vê për joùërn, për minjâ e për fâ lou bur e la toummo, la carn, la lano për fâ-se da vîtî e, surtout, la drujjo për ëndrujâ lî champ. La pèl dë lâ chabbra î së sërvìo dëcó për fâ lh’ouire, quë sërvin për traspourtâ lou vin. Ën pi, lh’avìo ëncâ lî lapin, lâ jalina e d’aoutro voulallho, e lou pùërc, qu’un ënlëvavo për l’ëngràis.
