"Lî véllhi travalh"
Lou travalh ën galarìo
Ënt â ‘900, l’ërsoùërso pi ërmarcabblo për l’ecounoumìo dë la Val Germanasco l’ê îtà chavâ lî minerâl da lâ mountannha. L’ê sëgur la peiro douso, pitost quë la tèro nìëro ou lou marmou, qu’à agù lou pi d’ëmpourtanso
Lou tavalh ën galarìo al à ajuà a evitâ quë troppa përsouna anésën vio da lour valadda, ma la po pâ ëdmëntiâ lâ malatìa pourtâ da quê travalh, coum la silicozo, ou lh’ënchidënt, quë pourtavën souvënt a la mort. La tuno ilh èro fourmâ da pi d’uno galarìo, quë së crousiavën: tutta lâ galarìa èrën ërcounouisùa dai mineur mersì a un numbre qu’un pouìo pâ vê eicrît, ma qu’î sabìën për ëspëriënso. Cant un’ësquaddro tacavo, lou cap-sholto lour dizìo lou numbre dë la galario dount anâ travalhâ. Lî mineûr travalhavën sampre ën coubblo: un l’èro quél spëchalizà e â coumandavo, e l’autre, dë sëgoundo, â coulabouravo ooub él. Lou travalh së fezìo ën dui toùërn dë dèe oura aprun, quë soun peui îtà pourtà a 8 oura ën lh’ann 20.
